ദിവസവും ഗർഭനിരോധന ഗുളിക കഴിക്കാൻ മറന്നുപോകുന്നുണ്ടോ? മൂന്ന് വർഷം വരെ ഗർഭനിരോധന സംരക്ഷണം നൽകുന്ന ചെറിയ ഇംപ്ലാന്റിനെക്കുറിച്ച് അറിയാം. ഇത് എങ്ങനെ പ്രവർത്തിക്കുന്നു, ആർക്കൊക്കെ അനുയോജ്യമാണ്, പീരിയഡ്സിൽ എന്തെല്ലാം മാറ്റങ്ങൾ വരാം എന്നിവ ഡോ. ജിത വിനീത് വിശദീകരിക്കുന്നു.

28 വയസ്സുള്ള ദേവിക ഒരു സംശയവുമായാണ് ഡോക്ടറെ കാണാനെത്തിയത്. “ഡോക്ടർ, ഞാൻ ഇതുവരെ വിവാഹം കഴിച്ചിട്ടില്ല. രണ്ടോ മൂന്നോ വർഷത്തിനുള്ളിൽ വിവാഹം നടന്നാലും ഉടനെ കുഞ്ഞ് വേണമെന്ന് ഇപ്പോൾ തോന്നുന്നില്ല. പക്ഷേ ഒരുപാട് വൈകിയാൽ പിന്നീട് ഗർഭധാരണത്തിന് ബുദ്ധിമുട്ടുണ്ടാകുമോ എന്നൊരു പേടിയുണ്ട്.” ദേവികയുടെ ഈ സംശയം ഇന്ന് പല യുവതികളുടേതുമാണ്. പഠനം, കരിയർ, സാമ്പത്തിക സ്വാതന്ത്ര്യം, വിവാഹം, അനുയോജ്യമായ ജീവിതപങ്കാളിയെ കണ്ടെത്തൽ—ജീവിതത്തിലെ ഓരോ കാര്യത്തിനും അതിന്റേതായ സമയമുണ്ട്. ഒരു കുഞ്ഞിനായി മാനസികമ